Медалі ў гонар 75-годдзя вызвалення Беларусі ўручылі вязням у Мастах

Медалі ў гонар 75-годдзя вызвалення Беларусі ўручылі вязням у Мастах
Напярэдадні значнай даты-75-годдзя вызвалення Рэспублікі Беларусь ад нямецка – фашысцкіх захопнікаў па ўсёй краіне праводзяцца ўрачыстыя мерапрыемствы, прысвечаныя гэтаму святу. У Мастоўскім раённым Цэнтры творчасці дзяцей і моладзі 24 чэрвеня было шматлюдна: малалетнім вязням урачыста былі ўручаны юбілейныя медалі.
У актавай зале прайшло ўрачыстае мерапрыемства, якое сабрала гасцей. Усе мы адчуваем гонар за перамогу ўвялікай Айчыннай вайне і пачуццё смутку за вялікія страты, панесеныя нашым народам. Цяпер нам вельмі цяжка ўявіць, што перанеслі ўдзельнікі тых падзей. Але мы памятаем гісторыю, памятаем аб вялікім подзвігу.
Перад прысутнымі са словамі падзякі за мірнае неба ўсіх нас, за перамогу выступіў начальнік аддзела ідэалагічнай работы і па справах моладзі райвыканкама Сяргей Дэйкала. Ён адзначыў, што сёння пакаленне, якое не ведала вайны, у неаплатным абавязку перад ветэранамі і вязнямі за тое, што яны падарылі ўсім нам свет. 75 мірных гадоў на зямлі растуць дзеці, квітнеюць сады дзякуючы гераізму і адвазе.
Ваенны камісар Мастоўскага раёна Сяргей Баброўскі ўручыў юбілейныя медалі "75 гадоў вызвалення Беларусі ад нямецка-фашысцкіх захопнікаў" А. Д. Краўцэвічу, Ю. і. Кулікову, В. А. Лапаткінай, Ю. С. Лісоўскай, н. І. Сідаравай, З. А. Самусевіч, П. П. Новіку, М. М. Кучэўскаму, Е. К. Шарай, М. М. Сухоцкай, І. І. Бакуну, С. П. Дубіцкаму, В. І. Гибриянчик, Н. Ф. Данільчык.
Напярэдадні самага вялікага свята для нашай краіны мы аддаём даніну памяці тым, хто загінуў, і тым, хто выжыў. Цяжка нават думаць пра тых нечалавечых пакутах, якія прыйшлося перажыць ім, дзецям вайны.
Старшыня раённага Савета ветэранаў Ірына Сераброўская ўручыла кветкі малалетнім вязням. Шчырыя словы падзякі і цёплыя пажаданні моцнага здароўя і даўгалецця пачулі ў свой адрас былыя вязні ад Ірыны Яўгенаўны.
У рамках акцыі "Кветка радзімы" Беларускага саюза жанчын галоўны спецыяліст аддзела ідэалагічнай работы і па справах моладзі райвыканкама, старшыня Мастоўскай раённай арганізацыі "Беларускі фонд міру" Ала Зябліцава ўручыла ўзнагароджаным вязням бутаньеркі з васількамі. Гэтая кветка асацыюецца з духоўнымі каштоўнасцямі беларускага народа і ўвасабляе яго вернасць і сталасць, чысціню і прыгажосць. А яшчэ гэта і мірнае неба над галавой, і сінь беларускіх азёр.
Хвілінай маўчання прысутныя ўшанавалі памяць загінуўшых у гады Вялікай Айчыннай вайны. Гасцей мерапрыемства таксама чакала канцэртная праграма, кожны нумар якой вяртаў гледачоў у мінулае і нагадваў пра адважных абаронцаў нашага краю.