У Гродзенскім дзяржаўным музычным каледжы адбылася Абласная музычна-тэарэтычная алімпіяда.
34 навучэнца дзіцячых школ мастацтваў Гродзенскай вобласці спаборнічалі ў напісанні музычнай дыктоўкі, віктарыны, тэста па музычнай грамаце і іншых творчых заданняў. Алімпіяда ў гэтым годзе была прысвечана рускаму рамансу, таму суіскальнікі ўзнагарод яшчэ выконвалі вакальныя творы Глінкі, Даргамыжскага, Чайкоўскага, Рахманінава, Шастаковіча.
Ацэньвалі вынікі юных тэарэтыкаў вядомыя музыказнаўцы, выкладчыкі Гродзенскага і Лідскага музычных каледжаў. У напружанай барацьбе перамогу атрымала вучаніца ДУА “Дзіцячая музычная школа мастацтваў № 1 імя Ю.У.Семянякі г.Гродна” Любоў Коваль (настаўнік Сявенка С.К.).
Лаўрэаты атрымалі дыпломы і каштоўныя падарункі, а іх настаўнікі - граматы за высокае прафесійнае майстэрства.
Больш інфармацыі на сайце Гродзенскага дзяржаўнага музычнага каледжа: www.music.grodno.by
Да спіса