У Смаргоні прайшлі II фестываль-кірмаш "Смаргонскія абаранкі" і Міжнародны эканамічны форум "Новыя магчымасці і перспектывы супрацоўніцтва"

27.05.2019

Навiны рэгiёна

У фестывалі-кірмашы "Смаргонскія абаранкі" прынялі ўдзел каля 12 тысяч чалавек

Фестываль-кірмаш "Смаргонскія абаранкі" і Міжнародны эканамічны форум урачыста адкрылі танцавальныя калектывы Смаргоні. Гасцей вітала спадарыня Абаранка. У складзе дэлегацый - прадстаўнікі краін-удзельніц форуму, Міністэрства сельскай гаспадаркі і харчавання РБ, кіраўніцтва Гродзенскага аблвыканкама, Ашмянскага, Астравецкага і Смаргонскага райвыканкамаў.

Вітаў гасцей першы намеснік старшыні Гродзенскага аблвыканкама Іван ЖУК.

Музычным падарунакам для публікі стала выступленне беларускага дзяржаўнага заслужанага харэаграфічнага ансамбля "Харошкі".

Пасля ўрачыстага адкрыцця свята кожны жадаючы мог паўдзельнічаць у конкурсе-дэгустацыі абараначных вырабаў і вызначыць самы смачны, на іх погляд, хлебабулачны прадукт.